KANSION 111
Saray Rason Pian Manliket
-
1. Dakel so rason tin manliket,
agti la anggan nabilang.
Totoo ed interon mundo
kaiba ti la ra natan.
Salitay Dios sinmabid puso
kanian tuan liket ginmapo.
Aaralen tin agew-agew,
kaukolan pian mansungdo.
Manliob so liket dia ed puso,
singa agla nasebseban.
Anggano wala ray problema,
Jehova’y naynay ya wadtan.
(KORO)
Liket ti Jehova ya Dios.
Say dunong to napatnagan
diad saray palsa pakanengnengan—
amin ira panliketan.
-
2. Say tawen, say dalin tan dayat—
marundunong ton ginawa.
Onnengneng tayo ed pinalsa,
makapadinayew ira.
Natan oonla tin manpulong,
Panarian ibabalita.
Tan say bendisyon asingger la
kanian diad amin ibaga.
Say panliket ya agmangangga,
singa isabi kabuasan.
Say dalin tan tawen a balo
naynay ti lan panliketan.
(KORO)
Liket ti Jehova ya Dios.
Say dunong to napatnagan
diad saray palsa pakanengnengan—
amin ira panliketan.
(Nengnengen met so Deu. 16:15; Isa. 12:6; Juan 15:11.)