KOUL 111
Kahrepen At Peren
-
1. Kahrepen at peren tohtohla,
Rasehng pai kan ar tohtohla.
Irail kan me kesempwal ong Koht
Kin ieiang kiht nan sampah pwon.
Peren nan at mohngiong kin kehlail,
Poadidiong Mahsen en Koht.
Rahn koaros se kin onopki met,
Oh at pwoson kin kekeirda.
Kahrepen at peren kin kehlail,
E kin lullul nan at mohngiong.
Mendahki kahpwal kan kin mi mwoht,
Siohwa kin sewese kiht.
(CHORUS)
Siohwa Koht iei at peren,
Se kin perenki Eh doadoahk.
Ia ’wen kaselel en Eh doadoahk kan,
Me diren soahng mwahu kan loale!
-
2. Se perenki kilang kepik’pik,
Nanleng, sehd, oh sahpw kan koaros.
Se kin tetehk soahng pwukat koaros,
Lopwolopwki Eh doadoahk kan.
Se kin pohlki wia kadehde,
Oh kalohkihseli Wehin Koht.
Eh ipwidi oh eh kapai kan,
Se kin perenki kihpeseng.
Peren kohkohlahte kerendohr,
Rasehng marain mwurin nipwong.
Sampah oh lahng kapw me inouda
Pahn wahdo peren poatopoat.
(CHORUS)
Siohwa Koht iei at peren,
Se kin perenki Eh doadoahk.
Ia ’wen kaselel en Eh doadoahk kan,
Me diren soahng mwahu kan loale!
(Pil kilang Deud. 16:15; Ais. 12:6; Sohn 15:11.)
