BʼIXONEM 111
Ri rumal che kojkikotik
-
1. Rukʼ kikotemal kinbʼixon che
qaTat Jehová pa ri kaj.
Rukʼ unojibʼal ubʼanom ri Ulew,
ri chʼumil y ri plo.
Jun nim qʼinomal upixabʼ che
tzʼibʼam pa ri Loqʼalaj wuj.
Pa nukʼaslemal in wilom che
kuya tewchibʼal ri Utzij.
We in kʼo pa kʼax kinbʼison taj
wetaʼm che Jehová kinutoʼ.
Kinkubʼsaj nukʼuʼx che kʼo jun
utzalaj kʼaslemal petinaq.
(CORO)
Ri kikotemal re Jehová
are kayaʼow nuchuqʼabʼ.
Jun utz kʼaslemal, kinnaʼ jamaril,
chiʼ kinpatanij Jehová.
-
2. Chike konojel tinamit y
chʼabʼal kaqaya ubʼixik.
Jesús kajawin pa ri kaj che
kuya na e kʼi tewchibʼal.
Pa ri kʼakʼ Ulew konojel ri
winaq kakibʼan ri sukʼil.
Ri kaminaqibʼ kekʼastaj na
rukʼ kikotemal keqeyej.
Ri loqʼoqʼebʼal kilitaj na
chuwach ronojel ri Ulew.
Nojel ri winaq kakibʼij na
are waʼ Jehová ri qaDios.
(CORO)
Ri kikotemal re Jehová
are kayaʼow nuchuqʼabʼ.
Jun utz kʼaslemal, kinnaʼ jamaril,
chiʼ kinpatanij Jehová.
(Xuqujeʼ chawilaʼ Deut. 16:15; Is. 12:6; Juan 15:11).
