CANTO 111
Diosta sirvicushcamanta cushicushunchij
-
1. Ñuca shungu ucupimari
yallitaj cushilla cani.
Tucui laya gentecunami
Jehová Diosmanta yachacun.
Diospaj Shimita yachashpaca
achcatami cushicuni.
Chaipimi alli causanata
ñucamanca yachachicun.
Llaquicuna ricurijpipish
cushillami ahuantasha.
Jehová Diosmari ñucataca
mana saquishpa cuidanga.
(CORO)
Jehová Diosmi ñucamanca
cushicuita cushpa⁀ayudan.
Paica tucuita rurai tucujmi.
Ñucatapish llaquingami.
-
2. Jehová Dios rurashcacunata
ricushpami cushicunchij.
Cielota, Allpata, yacuta
paimi tucuita rurashca.
Jesús mandacushcatamari
maipi cashpapish huillanchij.
Alli huillaicunatapishmi
tucuicunaman parlanchij.
Jehová munashca shinamari
ñalla sumajta causashun.
Chaipica tucuicunamari
huiñaita cushi causashun.
(CORO)
Jehová Diosmi ñucamanca
cushicuita cushpa⁀ayudan.
Paica tucuita rurai tucujmi.
Ñucatapish llaquingami.
(Cai versocunatapish leyipai: Deut. 16:15; Is. 12:6; Juan 15:11).
