CANCIÓN 111
¿Imarasha cushi sintirinchi?
-
1. Ashca bendiciongunamanda
ali gustu sintirini.
Intiru Allpai runaunaga
Diosta sirvingaj ajllanun.
Diospa Shimimanda yachana
ñucara cushiyachinmi.
Cai valishca yachachishcaras
ñuca causaibi yanapan.
Ñuca shungu ashca cushihua
ali gustu sintirinmi.
Turmindusguna pactamujpi
Jehová Dios cuirahuangami.
(CORO)
Jehovara sirvishcamanda
ashca cushi sintirini.
Jehová Diosllara cierto casujpi
pai ñucara bendicianga.
-
2. Gustu cushihua sintirinchi
Dios rurashcaras ricusha.
Ahua pachara cai Allparas
lamardas sumaj rurarca.
Diospa Reinomanda rimanchi
tucui llactaunai shimiunais.
Imasna Reino callarishca
tucui partii yachachinchi.
Dios rimashca bendicionguna
ñallami pactarimunga.
Ali gustu sumaj causaira
huiñaigama charishunmi.
(CORO)
Jehovara sirvishcamanda
ashca cushi sintirini.
Jehová Diosllara cierto casujpi
pai ñucara bendicianga.
(Ricungui Deut. 16:15; Is. 12:6; Juan 15:11).
