1. Mer ham prossedo i bachtjatar:

Dran rupp kanne well sonnekai.

Ap mende bud kanne shunenn. Jon

wenn dran haki tchip kanne kai.

Mer ham prossedo i bachtjatar:

O Dewel das men peskro Lab.

I bibla tsikrell menge ’lauter,

o patsepen well sorleda.

I prossedo bacht hi an mende,

ha jaag, hoi chatchell an o dji.

Tchilatche glan mende nai krenn tchi,

o Dewel lell men kote wri.

 2. O bollepen, i phub, o pani,

i matche, i tchirkle, o kamm,

ap kowa, hoi job kras, dikah mer,

sharah les dran ko’, hoi mer ham.

Mer djah, ladjah gar, mer rakrah pral,

rakrah pral o Dewleskro Them.

Ko Them an o bollepen tardo,

anell menge bud prossepen.

Koj bacht hake tsireske well, ha

o diwes, gai well pal i rat’.

O bollepen hi kanne newes,

anell menge i bari bacht.