NYIMBO 111
Tiri na Mathangwi Toera Kutsandzaya
-
1. Tiri na mathangwi mazinji
Kuti ife titsandzaye.
Anthu anafuna Mulungu
Akuphatana na ife.
Phata yakutsandzaya kwathu
Ndi Mafala a Mulungu.
Tisafunika tsogolerwa
Na pinalonga Mulungu.
Tsandzaya kwathu nkhabe mala
Ngakhale tingayeserwa.
Ndi ninga moto unagaka
Muntima mbukhonda thima.
(KORO)
Ife tisatsandzayadi
Na mabasa a Yahova.
Udziwisi na mphambvu zace ndi
Zakudzumisa kakamwe.
-
2. Yahova acitambo pinthu
Pyakubalika kakamwe.
Mabara, kudzulu na pantsi
Pisapereka umboni.
Mwakutsandzaya tinamwaza
Mphangwa za Umambo wace,
Kuti cincino ukutonga
Na unabweresa nkhombo.
Ninga ceza ca macibese
Cinamalisa cidima,
Mu dziko ipswa tinakhala
Akutsandzaya kakamwe.
(KORO)
Ife tisatsandzayadi
Na mabasa a Yahova.
Udziwisi na mphambvu zace ndi
Zakudzumisa kakamwe.
(Onanimbo Deut. 16:15; Iza. 12:6; Jwau 15:11.)
