1. Kunyenti lokwenta s’jabule,

kufana nemcebo kitsi.

Bantfu bakuto tonkhe tive

banconota kuba natsi.

Ngenca yeliVi laJehova,

lenjabul’ iyaphuphuma.

Kute sicin’ ekukholweni;

Sil’fundza malanga onkhe.

Injabulo yetf’ ijulile,

isuka enhlitiyweni.

Ngisho noma sinetinkinga,

Jehova uyasisita.

 2. Sijabula ngendalo yakhe,

lizulu, lwandle nemhlaba.

Kubukeka kwayo k’yakhanga,

muhle umsebenti wakhe.

Sifakaza ngemphumelelo,

simemetela ngeMbuso.

Utawuletsa tibusiso,

kujabul’ umhlaba wonkhe.

Ngekushesha sitayitfola,

injabulo yaphakadze.

Lizulu nemhlaba lomusha

kuyoletsa injabulo.