KAWIH 111
Sumber Kabungah Urang
-
1. Loba sababna urang bungah,
Ibarat harta nu limpah,
Ningal jalma ti unggal bangsa
Ngagabung bareng umat Yah.
Suka bungah urang dumasar
Kana pangajaran Firman.
Unggal poé urang diajar
Sangkan kuat pangharepan.
Kabungah urang beuki kuat
Tur minuhan haté urang.
Najan nandang loba cocoba,
Urang bakal tetep tabah.
(REFREIN)
Yéhuwa sumber kabungah,
Hébat tur éndah karya-Na,
Luhur hikmat-Na tur kawasa-Na,
Limpah kahadéana-Na.
-
2. Urang resep ningal karya-Na:
Bumi, langit, jeung lautan.
Sagala ciptaan Yéhuwa
Ngawih nyanggakeun pujian.
Pohara gumbirana urang
Nguarkeun ka mana-mana
Ngadegna Karajaan Allah
Tur berkahna keur manusa.
Téréh datang mangsa kabungah,
Lir peuting kaganti isuk.
Bumi anyar jeung langit anyar
Mawa bagja salawasna.
(REFREIN)
Yéhuwa sumber kabungah,
Hébat tur éndah karya-Na,
Luhur hikmat-Na tur kawasa-Na,
Limpah kahadéana-Na.
(Tingali ogé Pam. 16:15; Yes. 12:6; Yoh. 15:11.)
