1. A̱jkiu̱lú xtáá gagi jma̱a̱ nadxuu,

numuu rí Dios xtáa gajmiúlú.

Náa xúgíʼ numbaaʼ kuwa mbaʼin

bi̱ nunimbu̱u̱n kuyáá Jeobá.

Nadxulú índo̱ dí nuraxnuu

Ajngóo Anu̱lú Jeobá Dios.

Ikhúúnʼ nambáyuʼ ikha ndrígóo

ga̱jma̱a̱ rígi̱ nindxu̱u̱ mitsaan.

Ndája itháan gagi náa ikhúúnʼ

náa a̱jkiu̱nʼ rígá rí tsímáá.

Ikhaa má gámbayuʼ náa xkujndu,

Jeobá ga̱jma̱a̱ tsiakii ndrígóo.

 2. Phú mitsaan índo̱ nandoo nduʼyáá

rí niʼni ga̱jma̱a̱ numulú:

Nasngájma, rí gíʼdoo mba̱a̱ tsiakii

naxkaxáanʼ muxnáá gamajkhu.

Náa xúgíʼ ajngáa jma̱a̱ náa xuajen

nuʼtáraʼa jma̱a̱ numuu Dios.

Asndu náa mitsínguánʼ ejkualú

mu muʼthúún xa̱bu̱ Ajngóo Dios.

Inu mundrígúlú rí mitsaan

rí niʼthí maxná Anu̱lú.

Mbá ku̱ba̱ʼ nuxi̱ʼ makuwáanʼlu,

náa nixákáñulú nditháan.