LWIIMBO 111
Twaambo Tutupa Kukkomana
-
1. Kuli twaambo tunji kapati
Itutupa kukkomana.
Bantu bazwa mumasi oonse
Baboola kutusangana.
Ilukkomano ndotujisi
Luzwa mu Jwi lya Jehova.
Jwi eeli lyoonse tulaliiya;
Kuti tube alusyomo.
Twaambo tutupa kukkomana,
Masimpe tatukamani.
Kuti twasikilwa mapenzi,
Jehova ulatuyumya.
(KKOLASI)
Leza ndukkomano lwesu,
Milimo yakwe mibotu.
Mizeezo yakwe, milimo yakwe,
Izwide bubotu, nguzu!
-
2. Zilakkomanisya zilenge,
Ijulu, lwizi, anyika.
Notubona zilenge zyakwe,
Citupa kumulemeka.
Calino tulakambauka,
Kwaambilizya Bwami bwakwe.
Mulumbe mubotu wa Bwami,
Tulamwaya nyika yoonse.
Caswena ciindi cakukondwa,
Mapenzi naayakumana.
Munyika mpya njotulangila,
Tuyakukkomana lyoonse.
(KKOLASI)
Leza ndukkomano lwesu,
Milimo yakwe mibotu.
Mizeezo yakwe, milimo yakwe,
Izwide bubotu, nguzu!
(Alimwi amubone Dt. 16:15; Is. 12:6; Joh. 15:11.)
