1. Шатлык-сөенеч без сизәбез,

Моңа бар бик күп сәбәпләр:

Йәһвә йортына агылалар

Асылташлардай кешеләр;

Алла Сүзенә төшенәбез,

Бирә бу нигез шатлыкка;

Рухи өстәлдән тукланабыз;

Яшибез рухи оҗмахта.

Бәла-казага очрасак та,

Сүрелми күңел шатлыгы.

Тирән тамырлы агачтай ул —

Давыл булганда да ныклы.

 2. Җирдә, диңгездә без күрәбез

Йәһвә акылын һәм көчен.

Шатлык кичереп, күзәтәбез

Аның иҗади эшләрен.

Яхшы хәбәрне таратабыз,

Бу эш зур шатлык китерә.

Төрле кешегә булышабыз

Бәхет ачкычын табарга.

Җирне караңгы капласа да,

Дөнья хәлләре үзгәрер —

Яңа дөньяда бар кеше дә

Бетмәс бәхеткә ирешер.