SUMU 111
Vifukwa Vyakuŵira na Chimwemwe
-
1. Tili na vifukwa vinandi,
Vyakuŵira na chimwemwe.
Awo mbakuzirwa kwa Chiu-ta
Ŵakubatikana nase.
Chimwemwe chithu ntchamuyaya,
Chajintha m’Mazgu gha Chiu-ta.
Tikuŵazga zuŵa na zuŵa;
Ntheura tikugomezga.
Chimwemwe chithu chagolera,
Nga ni moto wakunyeka.
Nanga tingaŵa mu masuzgo,
Yehova wakutikhozga.
(KORASI)
Yehova ntchimwemwe chithu,
Takondwa na ntchito zake.
Ngwavinjeru, wachita vikuru,
Ni muwemi, ngwankhongono!
-
2. Milimo yake tayiwona,
Machanya, nyanja, na charu.
Ngwakwenelera kulumbika,
Chifukwa cha ntchito zake.
Tikukondwaso kupharazga,
Vya Ufumu wa Yehova.
Tikuphalira ŵanthu wose,
Vitumbiko vya Ufumu.
Chimwemwe cheneko chikwiza,
Nga mbungweru para kwacha.
Machanya ghaphya, charu chiphya
Vizenge nacho chimwemwe.
(KORASI)
Yehova ntchimwemwe chithu,
Takondwa na ntchito zake.
Ngwavinjeru, wachita vikuru,
Ni muwemi, ngwankhongono!
(Wonaniso Doto. 16:15; Yes. 12:6; Yoh. 15:11.)
