KʼAYOJIL 111
Ya yakʼbon stseʼelil koʼtan te Jehová
-
1. Kʼax bayal stseʼelil koʼtantik,
ma xjuʼ ya jmuk ta koʼtantik.
Bayal ta tul ya xnoptsajik tal
ta yichʼel ta mukʼ te Jehová.
Kʼalal ya jkʼopontik te sKʼop Dios
ya yakʼ stseʼelil koʼtantik.
Tey tsʼibaybil te bin snopoj Dios,
ya yakʼ kiltik sakal kʼinal.
Ma xtupʼ te stseʼelil koʼtantik,
ay ta skʼubulil koʼtantik.
Chikan biluk wokolil ya xtal,
Jehová ya xbajt skoltayotik.
(ESTRIBILLO)
Spasel te yaʼtel te Jehová
ya yakʼbon bayal sbujtsʼ koʼtan.
Ma xjuʼ ta tupʼel stseʼelil koʼtan
teme jun koʼtan ya kakʼ jba.
-
2. Tʼujbil te bintik ay ta sba lum
sok ta stoyolil te chʼulchan.
Spisil jaʼ spasoj te Jehová Dios,
ya yakʼ stseʼelil koʼtantik.
Ya jcholtik skʼop Dios ta bayuknax,
ta banti nopol sok namal.
Ya kakʼtik ta naʼel bin ya spas
te Wentainel yuʼun Dios.
Yachʼil ya xkʼot spisil bintik ay
ta Balumilal sok chʼulchan.
Ma xlaj te stseʼelil yoʼtanik
spisil te bintik kuxajtik.
(ESTRIBILLO)
Spasel te yaʼtel te Jehová
ya yakʼbon bayal sbujtsʼ koʼtan.
Ma xjuʼ ta tupʼel stseʼelil koʼtan
teme jun koʼtan ya kakʼ jba.
(Kʼoponaxan te Deut. 16:15; Is. 12:6; Juan 15:11).
