111- ҚЎШИҚ
Яҳова — чин шодлик манбаидир
-
1. Битмас-туганмас хазинадай
Чексиздир қувонч-бахтимиз.
Худо чорлаган инсонлар-ла
Бугун кўпайгай сафимиз.
Тўлгай қалбимиз кўп севинч-ла,
Топсак Каломдан гавҳарни.
Уни ҳар куни ўргансак гар,
Комил айлаймиз имонни.
Сўнмас қувончнинг соҳибимиз,
У мисли гулхандай ёнгай.
Синов, дардларга йўлиқсак ҳам,
Аллоҳ матонат бахш этгай.
(НАҚАРОТ)
Бергай Яҳова чин шодлик,
Нодир ижоди ром этгай.
Теран ўйлари, буюк ишлари
Қудрату меҳрин мадҳ қилгай.
-
2. Борлиқ мавжудот — шоҳ асардир,
Солгай у бизни ҳайратга.
Уни ўргангаймиз ҳавас-ла,
Айтиб раҳматлар Тангрига.
Бутун жаҳонда ифтихор-ла
Аллоҳ хабарин ёямиз.
Шоҳлик барака келтиргай деб,
Шодлик-ла эълон қиламиз.
Улкан хуррамлик бахш этгайдир
Мангу янги ер ва осмон.
Тонгни уйғотган нур-шафақдек
Шошиб келмоқда бу замон.
(НАҚАРОТ)
Бергай Яҳова чин шодлик,
Нодир ижоди ром этгай.
Теран ўйлари, буюк ишлари
Қудрату меҳрин мадҳ қилгай.
(Шунингдек, Қонун. 16:15; Ишаё 12:6; Юҳан. 15:11 га қаранг.)