KARANTAHON 111
Mga Hinungdan han Aton Kalipay
-
1. Damu gud an aton hinungdan
Nga pirme magmalipayon.
An mga presyoso ha tuna
Nagigin kaupod naton.
Hilarom an aton kalipay,
Pulong han Dios an pundasyon.
Kada adlaw aton pag-adman
Basi pagtoo magrig-on.
Hinungdan han aton kalipay
Sugad hin baga ha dughan.
Bisan kon may-ada problema,
An Dios nagpaparig-on man.
(KORO)
Kalipay gud naton hi Jah
Ngan iya mga linarang.
Pagkahilarom han kinaadman,
Maopay gud ngan gamhanan!
-
2. Makalilipay gud pagkit-on
An langit, dagat, ngan tuna.
Ngan an iba pa nga binuhat
Nagdadayaw gud ha iya.
Kalipay naton nga isangyaw,
Kan Jehova Ginhadian.
Katukod ngan mga bendisyon,
Ginsasamwak ha ngatanan.
An pagrayhak ha kadayonan
Hirani na, tiabot na.
Ha bag-o nga langit ngan tuna,
Kalipay permanente na.
(KORO)
Kalipay gud naton hi Jah
Ngan iya mga linarang.
Pagkahilarom han kinaadman,
Maopay gud ngan gamhanan!
(Kitaa liwat an Deut. 16:15; Isa. 12:6; Juan 15:11.)
