SONG 111
Reasons Why We Dey Happy
-
1. The blessing Jehovah de give us,
Na wetin we no go fit count.
E give us Bible make e show us,
The good things wey e don promise.
Jehovah don give us better work,
To preach and teach people good news.
Im spirit de help us find people,
The people wey them get good heart.
As we de hear wetin God de do,
E just de make us dey happy.
No matter the test wey we de face,
We know say we go win the race.
(CHORUS)
Our heart just de sweet as we hear,
The things wey Jehovah de do.
E don try for us, we no go fit stop,
To thank God for things wey e do.
-
2. Na good life Jehovah go give us,
Enjoyment go dey for all side.
The things wey God make, when we look them,
We see as them de give God praise.
We dey ready to preach the good news,
About the things God go soon do.
Jehovah promise us the Kingdom,
Na this gov’ment go make things new.
Our heart de sweet us as we de think,
About all wetin dey for front.
Jehovah the God wey no de fail,
Promise us the things wey we want.
(CHORUS)
Our heart just de sweet as we hear,
The things wey Jehovah de do.
E don try for us, we no go fit stop,
To thank God for things wey e do.
(Still check Deut. 16:15; Isa. 12:6; John 15:11.)
