1. Nsi nkôni, Yaweh Nsi,

O bù nefà fide bag.

Bag tshwèt ndeʼdʼo neghù ywèt tsho;

Mbe tàm se yàm ntùm yôg sag.

Bamntù mfà num Mén o,

Mèn netsin, ngatshob nenùn,

Ghaʼ manze bag nebe shun tsho;

Mba neghù fide bo wù.

2. Miag mag, ywèt tsho tshwèt ngaʼ

Mba Ntshob mu nke ndaʼde nkaʼ.

O tshètte mbèn ntshagde yag Tà

Ntùm taʼ njù ze njam bom nà.

Bag tshwèt nkù ntù neyen

Ngelañ ngeʼ boa ngùtni tsin,

Bo ywèt tsho nañ mbotni num bag

Bag tshùb yu fide neta.

3. Num tshaʼ mba kamànyam,

O kùmde ben tsʼo kô là,

Bag seʼ ntamde bo ywèt tsho Tà

Nesoñ mba Nufen toʼ là.

Yu netô ze netsin

Aʼ seʼ ngù ntsho bo ngeʼ tsin.

Ba ghabétni aʼ juʼ mbotni

Netswe ntùm fide matmat.