HLA 112
Daihnak Pathian Jehovah
-
1. Jehovah, dawtnak ngei,
Daihnak pek ding bia aa kam.
Thlarau theitlai kan ngeih nakhnga,
Bawmhnak kha hal hna u sih.
Na Fapa dawt kan zumh;
Zumh awk a tlakmi a si.
Pathian hawi sinak nawl kan hmu,
Atu daihnak kan hmu cang.
-
2. Na Bia nih ceunak pek,
Thlarau nih fiang te’n hngalhter.
Zan bang a muimi vawlei ah,
Lamhruainak, huhphenhnak pek.
Raldohnak, ṭihphannak,
Vialte a um ti lo tiang,
Kan i zuamnak thluachuah pe law
Kan lung ah daihnak khahter.
-
3. Hmunkhat ah na kan pumh,
Van le vawlei ah ummi.
Thlarau thawngin lungrual tein,
Pennak kong thawngṭha kan thanh.
Pennak nih a uk tik,
Raldohnak hna a dong lai.
Zungzal daihnak le lunglawmhnak
Toidormi nih an hmuh lai.
(Salm 4:8; Fil. 4:6, 7; 1 Thes. 5:23 zong zoh.)