1. Yehowa mía Mawu,

Gbɔwòe ŋutifafa tso.

’Ya ta Mawu, kpe ɖe mía ŋu

Míatu nɔnɔme sia ɖo.

Èlɔ̃ tsɔ Viwò na

Wòna mɔnukpɔkpɔ mí

Míewɔ ŋutifafa kpli wò,

Subɔa wò kple dzi blibo.

2. Na wò Nya kple gbɔgbɔa

Nakplɔ mí, akpɔ mía ta,

Míanya ’le si míanɔ agbe

Xexe doblukɔ sia me.

Xaxa kple fuléle

Xɔ aƒe ɖe xexea me.

’Ya ta na wò ŋutifafa

Nanɔ mía dome fifia.

3. Wòe na ɖekawɔwɔ

Le wò subɔla’o dome.

Wò gbɔgbɔa na míewɔ ɖeka

Le gbeƒã ɖem Fiaɖuƒea.

Fiaɖuƒe dziɖuɖua

Aɖe aʋawɔwɔ ɖa,

Be ame fafawo katã

Nakpɔ ŋutifafa ɖaa.