112-ӘН
Тыныштықтың Құдайы Ехоба
-
1. Бір өзің ұдайы —
Тыныштықтың Құдайы.
Қайнарысың, уа, Ехоба,
Сүюдің сен шынайы.
Ұлың кешірімге
Кең ашты есігін де.
Досың болдық, өміріміз
Тыныштық бесігінде.
-
2. Жарық жоқ заманда
Жетелер рухың алға.
Жамандықтан қалқалайды,
Үйретіп әділ жолға.
Уақыт қысымында
Зұлымдық ушығуда.
Орнықсыншы жүрегіміз
Тыныштық құшағында.
-
3. Сүйіп сен жинадың,
Көк пен жер тұрғындарын,
Бірауыздан Патшалықтың
Жар салар туылғанын.
Соғыс тоқтағанда,
Қайғы-мұң жоқ заманда,
Момын жандар мәңгі жасар,
Тыныштық орнағанда.
(Зәб. 4:8; Філіп. 4:6, 7; Сал. 1-х. 5:23 қараңыз.)