LWIMBO 112
Yehoba, ye Lesa wa Mutende
-
1. Lesa wa mutende,
Mwitulaya mutende,
Twalomba mupashi wenu;
Twikalenga mutende.
Kwitabila Yesu,
Wimukookela jonse,
Kwalengela twaikala;
Balunda nenu nweba.
-
2. Mupashi ukwasha
Kumvwisha byambo byenu.
Mwitukwashe bya kwendanga
Mu ino ntanda incha.
Kufika ne kimye
Bya malwa po bikapwa.
Twalomba mupashi wenu
Twikalenga mutende.
-
3. Mwitukwatankanya,
Mwiulu ne pa ntanda,
Mwitupa mupashi amba
Tusapwile Bufumu.
Bufumu bwenu bo
Bukapwisha makondo.
Bakimote bakekale
Mutende myaka yonse.
(Kabiji monai Sala. 4:8; Fili. 4:6, 7; 1 Tesa. 5:23.)