GIĽI 112
Le Jehovaha na daras
-
1) Sar daras, smutna sam,
sar o smirom našaďam,
Devla, mangas, tut vičinas,
ča sikav, hoj tuha sam!
O drom, so ke tu džal,
hin tro Čhavo, kas diňal.
Prekal leste tu ke peste
amen, Devla, pricirdňal.
-
2) Sar smirom našavas,
phuteras tro lav, genas,
goďi chudas, upre ušťas,
pale smirom arakhas.
E dar, so tasavel,
so o soviben na del,
preačhela a našľola,
kereha, kaj te na el.
-
3) Sar jekh fameľija –
caľi phuv le ňeboha –
le duchoha, la goďaha
sphandle sam, Devla, tuha.
Tro kraľis avela,
peha smirom anela.
Džas, na daras, furt vakeras,
smirom pro furt, hoj ela!
(Dikh mek Žalm 4:8; Fil. 4:6, 7; 1. Tes. 5:23.)