1. Jéeoba, a yaabiltmoʼon;

teech u Diosil jeetsʼelil.

Yoʼolal u kuxtal a Paaleʼ

toʼoneʼ k-náatsʼal ta wiknal.

Mantatsʼ táan k-kʼáatiktech

ka⁀a tsʼáa jeetsʼelil t-kuxtal.

Áantoʼon tiaʼal mu xuʼulul k-eʼesik

ich k-kuxtal a jeetsʼelil.

2. Much áantoʼoniʼ, Jéeoba,

beet u kaʼansikoʼon a Tʼaan.

Jach kʼaʼabéet tiʼ toʼon a nuʼuktaj

utiaʼal k-náachtal tiʼ baʼax kʼaas.

Mun xáantal, Jéeoba Dios,

ken a taas le xuʼulsajoʼ.

Áantoʼon k-páaʼt ich jeetsʼel óolal

le baʼax ken a beet xanoʼ.

3. Teʼ kaʼanoʼ, yaʼabach máax

táan u meyajtkech, Jéeoba.

Toʼon way Luʼumeʼ k-tsʼáaik k-ojéeltbil

yaan u káajal a reinar.

Mun xáantal ken yanak

tiʼ toʼon jeetsʼelil mantatsʼ.

K-tsʼíiboltik k-ilik le kʼiinaʼ.

Áantoʼon k-páaʼt le kuxtalaʼ.