1. Massai burju Ho, Jahowa,

Silehon pasu-pasu.

Setia jala badia,

Sai marasi ni roha.

Holong do roham tu hami

Nang pe hami mardosa.

Ho do na disomba hami

Saleleng ngolunami.

2. Sai marsitutu do hami

Patudu haburjuon.

Rade hami marbarita

Mangurupi na asing.

Lam godang ma na mamboto

Taringot hasittongan.

Urupi hami marhite

Tondi parbadiami.

3. Hami masihaholongan

Jala masiurupan

Di bagasan keluarga,

Di bagasan huria.

Urupi hami, Jahowa

Patudu haburjuon.

Sai togutogu ma hami

Mangulahon na denggan.