1. O Jehova, Soberano,

Diyos ka nin karahayan.

Maimbod ka, marahayon

An s’imong mga dalan.

Sobra sa dapat samuya,

Kabuutan mo samo.

Dapat lang na sambahon ka

Nin bilog niyamong puso.

2. Banwaan mo inaarog

An karahayan mo Jah.

’Yan hiling sa paghuhulit

Asin paggawi ninda.

Marahay mong katukduan

Dakul an nakinabang.

Sa paggibong karahayan

Hagad mi s’imong tabang.

3. Marahay ming ginigibo

Tabi na bendisyunan,

Karahayan mi sa kapwa

Lalo sa mga tugang.

Sa pamilya, kongregasyon,

Asin pagtaraid man,

Lugod maipahiling mi

An samong karahayan.