1. Bapak Jahwe si mehuli,

Puji kami gelarNdu.

Kam badia ras setia,

BereNdu pasu-pasu.

AmpuniNdu salah kami,

Bukti arah kelengNdu.

Kam saja si sembah kami

Ras si layani kami.

2. K’rina sipatNdu mehuli,

Jadi usihen kami.

Teridah min ajarenNdu

Arah tindaken kami.

AjarenNdu bas Pustaka

Erban kami mehuli.

B’reNdu kesah si badia

Si negu-negu kami.

3. Pasu-pasuNdu min kami

Bas perbahanen kami

Gelah tutus, nggit nampati

Turang senina kami.

Bas runggun ras bas k’luarga

Ras man kalak si deban,

T’ruslah sampatiNdu kami

Erban si mehulina.