1. Oa Jehoava, wi si gudnis

eena aal yu du ahn seh.

Yu soh hoali ahn yu laayal

ahn yu bles wi evri day!

Yu shoa kainis, yu shoa mersi,

moa dan wee eva dizerv.

Soh wi gi yu aal wi wership

ahn da onli yoo wi serv.

2. Wi ku si dis lov ahn gudnis

eena peepl weh yu chooz

fi tek aan yu hoali naym ahn

fi goh preech di Kingdom nyooz.

Wid di Baibl ahn yu shepadz

yu di teech wi weh fi du,

soh wi aks fi hoali spirit

fi mek wee ku bee gud tu.

3. Wi werk haad fi shoa chroo gudnis

ahn wi help wi nayba dehn,

bot wi shoa wahn speshal kainis

tu wi bradaz ahn wi frenz.

Wid yu blesin ahn yu spirit,

soh moch gudnis deh fi du.

Soh pleez help wi, Oa Jehoava,

fi shoa gudnis jos laik yoo.