1. Ò dúù kà lé, e Jìhóvà,

Ò bọ́ọ̀ló gè lèèlà ni!

Ò í-è sàn nyíe nè vulè,

Vaá zalíi mm̀ pọ̀b gã́ ki.

Ò tã́ànè dee bá bẹẹ didùm,

Ímá kpãa e née bọ́ọ̀ló.

Beele gbĩ́ gè nè fã̀ olo,

Ò bọ́ọ̀ló dẹ̀lẹ̀ nyíé boo.

2. Lé nòòmà nù e bẹẹ Bàrì

Nóòmà-i léèvè bẹẹ dùm;

Gbò kùdẽe ló e Bàrì sa

Nveè bá nè-i mm̀ bẹẹ dùm.

È monmà dẽè lé Jìhóvà,

Mm̀ bẹẹ dùm nè bẹẹ sìtóm.

Dõo O nyómá káí nè beele,

Vaá naa kọ é sí lé tóm.

3. È gbĩ́ì ge naa lé kọ̀láá nen

Bẹẹ kè gyṍó nè mm̀ bẹẹ bon.

Vaá nvèè bá nè pá bẹẹ vígà

E bà di mm̀ bõ̀ònatõ̀ò.

Gbò kànen àbèè gbò pá nvín,

E bà di mm̀ beléè tọ,

È gé zógè va bẹẹ lé láb,

Bẹẹ tã́áná dee bá néé lọ.