1. Krais did tiich wi se im Faada

A di onggl Wan we gud

Kaaz Jeuova a di Wan uu

Nuo wa gud fi mi an yu.

Uo Jeuova Gad, yu uoli,

Yu so gud, an yu so kain.

Aal di tingz yu du fi elp wi

Mek wi glad an ful a jai.

2. Wen wi du gud tingz fi piipl,

An wi priich gud nyuuz tu dem,

Wi a shuo se wi a sorv yu—

Di Gud Gad, uu a wi Fren.

A no baan wi baan a du gud;

Nuo, a yu tiich wi fi dwi’it.

Wid yu spirit, yu a elp wi

Fi du gud an mek yu pliiz.

3. Sins wi breda dem a paat a

Gad Jeuova fambili,

Wi fi chriit dem ekschra speshal

Kaa dem speshal tu wi King.

Wi du gud tu evribadi—

Yong an uol, an rich an puor.

Nou Jeuova, beg yu elp wi

Fi chrai du gud muor an muor.