MAHKAWN 117
Mai Kaja Lam Atsam Ningja
(2 Hkawhkam Labau 6:41)
-
1. Mai kaja ai Karai Kasang
Shaman chyeju ni jaw da.
Chyoi pra ai hte sadi dung ai,
Lam yawng mayawng mai kaja.
Matsan dum tsawra myit madun
Anhte hpe lanu lahku.
Nawku dawjau ai lam lu ging,
Kabu gara nawku ga.
-
2. Karai a mai kaja ai lam
Shi a amyu hta mu lu.
Shanhte a arawn alai hte
Kabu hpa shiga hkaw tsun.
Karai sharin achyin ai lam
Kaja ai akyu lu la.
Mai kaja lam hpe matsun ya,
Chyoi pra ai wenyi jaw ya.
-
3. Mai kaja lam ni madun ai
Hpunau ni hpe karum ga.
Shanhte hpe chyeju dum ai hte
Madi shadaw ya nga ga.
Kun dinghku hte nawku hpung hta
Anhte a jinghku ni hpe
Karai ra sharawng ai lam hku
Mai kaja lam madun ga.
(Shk 103:10; Mrk 10:18; Gal 5:22; Ehp 5:10 ni hpe mung yu u.)