1. Yehowa, tu Bavê me yî,

tu her tim dilovan î.

Çi qas qenc î û dilsoz î,

tu Xwedayê pîroz î.

Bêhesab e kerema te,

ji me gunehkaran re.

Em ji te re şikurdar in

ku em aîdî te ne.

2. Bila em jî wek te qenc bin

ji hemû mirovan re.

Em mizgînê belav dikin

ku her kes te nas bike.

Duaya me bibihîze,

ruhê pîroz bide me.

Qenciya te bila her roj

rêberiya me bike.

3. Li malbatê, li civatê

ji hemû însanan re

em dixwazin her tim qenc bin

bi her peyv û karê xwe.

Hêjayî qenciya me ne

hemû xwişk û brayên me.

Roj bi roj alî me bike,

bila em qenc bin wek te.