တၢ်သးဝံၣ် ၁၁၇
တၢ်မၤဂ့ၤတၢ်
-
၁. ယဟိဝၤဧၢ နမၤဂ့ၤတၢ်,
နဆိၣ်ဂ့ၤ ပှၤတစိၤသး.
နစီနဆှံ နတီနလိၤ,
နသးကညီၤတၢ်ထီဘိ.
နပာ်ဖျါထီၣ်တၢ်ဂ့ၤတၢ်ဝါ,
လီၤထုးန့ၢ်သူၣ်ထုးန့ၢ်သး.
နကျဲခဲလၢာ်န့ၣ်ဂ့ၤဒိၣ်မး,
ကြၢးဘူၣ်ထီၣ်ဘါထီၣ်ထဲနၤ.
-
၂. ပှၤလၢနဃုထၢထီၣ်အကျါ,
နတၢ်မၤဂ့ၤန့ၣ်အိၣ်ဖျါ,
အဝဲသ့ၣ်စံၣ်တဲၤတဲလီၤတၢ်,
ပာ်ဖျါနတၢ်ဂ့ၤတၢ်ဝါ.
ခီဖျိနတၢ်သိၣ်လိမၤယုၤ
ကဲဘျုးလၢတၢ်လီၢ်သကုၤ.
မ်နဟ့ၣ်လီၤပှၤသးစီဆှံ
လၢကမၤနတၢ်ကိးနံၤ
-
၃. ပဒီပုၢ်ဝဲၢ် အတၢ်မၤဂ့ၤ
မ်နဆိၣ်ဂ့ၤအဝဲသ့ၣ်.
ပအဲၣ်ပဒီပုၢ်ဝဲၢ်တဖၣ်
ဒီးတၢ်အိၣ်ဖှိၣ်ဖိကိးဂၤ.
ကိးခူကိးဝ့ၢ် တၢ်လီၢ်ကိးတီၤ
ရၤလီၤဘီမုၢ်တၢ်ကစီၣ်.
လၢနသးစီဆှံတၢ်မၤစၢၤ
ပကြၢးမၤဂ့ၤပှၤခဲလၢာ်.
(ကွၢ်စ့ၢ်ကီး စံး. ၁၀၃:၁၀; မၢ်. ၁၀:၁၈; ကလၤ. ၅:၂၂; အ့း. ၅:၉ တက့ၢ်.)