1. O Jehova’n Soberano,

Dios ka na kamaongan.

Sikay lanang ya matoor,

agkami pupulyanan.

Anggan agmi kanepegan,

sikami kinasian.

Manepeg kan lingkoran mi,

tan liket mi manserbi.

2. Diad totoom et mapatnag

ya maong ka ya Ama,

sankanengneng ed ugali

tan diad pampupulong da.

Say bangat mo et maabig,

maar-aroy pastol mo.

Say espiritum iter pa,

diad ontan naalig ka.

3. Tulongan pa ya manggawa

na maabig ed amin.

Nagkalalo ed agagi,

sikaray pabpablien.

Diad pamilya, kongregasyon,

kakaabay, diad amin.

Tuan maabig so resulta

no iter moy bendisyon.