گیت نمبر 117
بھلائی دی خوبی
(2-تواریخ 6:41)
-
1. ساڈا خالق تُوں یہوواہ
بے پناہ ایں مہربان
کیتا اے پیار سانوں گُوڑھا
نہ سی قابل مٹی آں
ماں دی ممتا توں وی ودھ کے
بُکل تیری ٹھنڈی چھاں
سدا رہنا تیرے نیڑے
تُوں ای عزت دا حقدار
-
2. تیری رِیس کر کے چرواہے
تیرا پیار ظاہر کردے
چانن تیرے پاک کلام دا
سانوں ہر قدم دیندے
تیرا ہر بول اے بیش قیمت
ساڈا جیون سنوارے
طاقت دے تُوں ہر اِک کم چ
کرِیں رحم ساڈے تے
-
3. ٹُٹے گا نہ ساڈا ایکا
مشکلاں چ دیندے ساتھ
جی جان لا کے مدد کردے
رہندے تیار اَسی دن رات
تیرے لوک اَسی یہوواہ
برکت دیندا تُوں رہوِیں
دوِیں پاک روح تُوں ہمیشاں
ودھے پیار ودھے خوشی
(زبور 103:10؛ مرقس 10:18؛ گلتیوں 5:22؛ اِفسیوں 5:9 نُوں وی ویکھو۔)
