1. Nun Yéhuwa di sawarga,

Allah nu hadé lampah,

Mahasuci tur satia

Ka sadaya umat-Na.

Pangampura Ama limpah

Ka manusa nu dosa.

Mung ka Ama, abdi nyembah

Sarta reueus ngawula.

2. Sipat kahadéan Ama

Diconto umat Ama,

Nyata dina lalampahan

Jeung dina pangwawaran.

Pangajaran nu sajati

Nyebar ka tungtung bumi.

Roh suci Ama ngabantu

Mekarkeun kahadéan.

3. Mugi Ama ngaberkahan

Kabéh upaya abdi

Ngalampahkeun kahadéan

Pikeun dulur saiman.

Di sidang, di kulawarga,

Sarta ka jalma-jalma,

Mugia abdi tiasa

Milampah kahadéan.