1. நல்ல நல்ல பரிசெல்லாம்

அப்பா நீங்கள் தந்ததே.

நன்மை செய்ய உங்கள் கைகள்

ஒருநாளும் ஓயாதே.

கனிவான உங்கள் உள்ளம்

கடல் போல பெரிதே,

அழியாத அன்பின் ஊற்று

நீங்கள்தான் யெகோவாவே!

2. உங்களைப்போல் நல்மனம்தான்

வேண்டுமே யெகோவாவே!

நன்மை செய்ய வாய்ப்பு தேடும்

நல்ல உள்ளம் வேண்டுமே.

முகம் தாண்டி உள்ளம் பார்த்து

அன்பு காட்ட தூண்டுங்கள்.

உடைந்தோரின் நெஞ்சம் தேடி

உயிர் காக்க செய்யுங்கள்.

3. குறையுள்ள எந்தன் நெஞ்சில்

நிறைகள்தான் பார்த்தீர்கள்.

உங்களைப் போல் நானும் பார்க்க

மன்னிக்கும் மனம் வேண்டும்.

கால்கள் போகும் வழியெல்லாம்

நன்மைகள் நான் செய்திட,

அப்பா உங்கள் சக்திக்காக

தினம் கெஞ்சி கேட்கின்றேன்.