1. Яҳова, Сен хайрихоҳсан,

Ғоят мўлдир неъматинг.

Муқаддассан, вафодорсан,

Ҳимматлидир ҳар ишинг.

Меҳрингга биз нолойиқмиз,

Лек шунда ҳам севасан.

Топингаймиз эҳтиром-ла,

Ҳамд айтиб Сенга дилдан.

2. Акс этгаймиз бор имкон-ла

Ҳимматингдек хислатни,

Ваъзгўйлигу хулқ-атвор-ла

Намоён этиб уни.

Чўпонлар ҳам, таълиминг ҳам,

Зўр ҳадядир биз учун.

Руҳингни, Раб, бахшида эт,

Айлайлик ҳиммат ҳар кун.

3. Эзгулик-ла бойимоқ-чун

Ато эт, Тангри, ёрдам.

Истаймиз дўст ва душман-ла

Улашмоқ уни дилдан.

Муруввату яхшилик-чун

Шай тургаймиз ҳар сафар.

Ё Аллоҳ, Ўз бараканг бер,

Қилайлик эзгу ишлар.