ᲝᲑᲘᲠᲔᲨᲘ 117
სიჯგირა
(2 მატიანე 6:41)
-
1. იეჰოვა, ძვირფას ღორონთ,
დიდებულ დო წმინდა რექ.
ვორწყეთ, მუმა, სქან სიჯგირას,
ირდღას ხვამას ვა მარკენთ.
მაკვირენა, იეჰოვა,
მუ დიდ რე სქან ჭყოლოფა.
ღირს რექ, ირო გემსახურათ
ხიოლით დო ჸოროფათ.
-
2. სქან ართგურ ხალხიშ საქმეეფ
ოძირანს სქან სიჯგირას,
მეჸუნა სქან წმინდა სიტყვას,
ქადაქენა მონდომათ.
იეჰოვა, ძვირფას ჭყიშეფს
ჸოროფათ ოგურუანქ —
ჯგირ სიტყვეფით, საქმეეფით
ირო გურს ელამკინან.
-
3. რთხინთ, დოფხვამეთ, იეჰოვა,
მიღუდან ჯგირ საქმეეფ,
მიჸორდან მთელ შურ დო გურით
ძვირფას და დო ჯიმალეფ.
სოდგა ვორდათ — ჸუდეს, კრებას,
შორს ვორეთ დო ვარ ხოლოს,
რთხულენთ, ქომჩათ სქან დიდ ძალა,
ბრელ ჯგირ ვაკეთათ ირდროს.
(ქოძირით ფსალმ. 103:10; მარ. 10:18; გალ. 5:22; ეფეს. 5:9)