1. Jèhófà, Ẹniire ni ọ́;

Adúróṣinṣin ni ọ́.

Ìgbà gbogbo lò ń bù kún wa;

Gbogbo ọ̀nà rẹ ló dáa.

O máa ń fojúure hàn sí wa

Bí a tiẹ̀ jẹ́ ẹlẹ́ṣẹ̀.

Ìwọ nìkan lògo tọ́ sí;

Aó máa fayọ̀ jọ́sìn rẹ.

2. Àwa tá a jẹ́ ènìyàn rẹ

Ńfara wé inúure rẹ.

Ó máa ń hàn nínú ìwà wa

Àtiṣẹ́ ‘wàásù tá à ńṣe.

Ẹ̀kọ́ rẹ ń ṣe wá láǹfààní,

Ó ń sèso kárí ayé.

Jọ̀ọ́, fún wa lẹ́mìí mímọ́ rẹ

Ká lè máa hùwà rere.

3. Jọ̀wọ́, bù kún wa Jèhófà

Bí a ṣe ń hùwà rere

Sáwọn ará níbi gbogbo,

Lọ́kùnrin àtobìnrin.

Fi ẹ̀mí rẹ ràn wá lọ́wọ́

Ká lè máa hùwà rere

Nínú ilé, nínú ìjọ,

Ládùúgbò, níbi gbogbo.