1. Da greates man dat wen live was Jesus Christ,

He neva tink he was da numba one guy.

He stay supa humbo an get one good heart,

An dass why Jehovah wen put him in charge.

2. Wen us guys feel heavy wit presha from life,

Oua boss like help us fo make oua load moa light.

Oua life come moa betta wen we trus in him.

His arms stay wide open, he like take us in.

3. Jesus tell you braddahs stay one ohana.

So us no goin ack like we stay moa betta.

Da humbo guys dey stay worth plenny to God,

He promise fo give dem da earth foeva.