1. Sun wagía, sagü weyu,

buin lau úaraguni,

ru wamutu sun wanigi

lun Heowá le Wáguchi.

Gúnfuli lumuti Bungiu

le füramase lubéi

ani lidan dan ladügei

katei le lugundanbei.

2. Sun wagía, sagü weyu,

buin lau úaraguni,

hóuchatiwa lun wadügün

buiti luagu wábiri.

Wíderagubaña giñe

lidan sun hemegeirun,

lau gurasu luma aban

lueirin ínsiñehabu.

3. Sun wagía, sagü weyu,

buin lau úaraguni,

ánhatiwa lun wadügün,

gasu hau sun wóuniri.

Gúnfuliti Bungiu wama

dan le gúnfuli wamá.

Buiti lidin woun ladüga

úaraguatiwa lan.