1. Kyaj Jyobaa Dios nmastudäˈänëm

ets ntsokäˈänëm winë jot.

Nguytyunäˈänëm ja yˈanaˈamën

tsuj yajxon ets xondaˈakyjyot.

Dios ninäˈä xykyamastudäˈänëm,

pes mëk xytsyojkëm ets oyjyaˈay.

Yëˈë xytyuˈumoˈoyëm ets xykyäjpxwijëm,

ets nitëjkëp nmëmëdoˈom.

2. Tuˈugyë mët ja nmëguˈukˈäjtëm

nyajpäädäˈänëm diˈib jaˈäjtp,

niˈamukë duˈun ntsokäˈänëm

extëm jyawë jiiky mëguˈuk.

Nyaˈixäˈänëm ja wintsëˈkën

ets itäˈänëm jantsy oyjyaˈay.

Nˈokpudëjkëm niˈamukë

pën jam ti dyajtëgoyˈaty.

3. Oy ko xëmë nmëmëdoˈowëm

pënaty tuundëp tyam mëjjäˈäy,

nbanëjkxäˈänëm wiˈix xykyäjpxwijëm

ets xytyuˈumoˈoyëm tsuj yajxon.

Dios mëjwiin kajaa tkunuˈkxy ja

diˈib mëduunëp winë jot,

ja diˈib xëmë mëmëdoowëp

ets diˈib kyaj myastuˈutyëty tyam.