गीत १२४
सधैँ वफादार रहौँ!
-
१. वफादार प्रेम यहोवालाई
देखाउने इच्छा हाम्रो।
समर्पित भै आज्ञा उनको
जान्ने चाहना हाम्रो।
सधैँ राम्रो उनको शिक्षा,
गर्नेछौँ है पालना।
वफादार छन् सधैँ उनी;
रहन्छौँ उनको छेउमा।
-
२. वफादार प्रेम दाजुभाइलाई
गाह्रोसाह्रो बेलामा।
आदर गर्छौँ, माया गर्छौँ,
नम्र व्यवहार गर्छौँ।
प्यारो ठान्छौँ भाइबैनीलाई,
सम्मान गर्छौँ मनदेखि।
वफादार भै साथ दिन्छौँ,
छोड्दैनौँ हात कैले नि।
-
३. वफादार भै पालन गर्छौँ
भाइहरूले डोऱ्याउँदा।
मनैदेखि सुन्ने गरौँ
निर्देशन तिनले दिँदा।
अनि अटल हुन्छौँ सदा
यहोवाको आशिष्ले।
वफादार भै चल्यौँ भने
आफ्नो ठान्नेछन् याहले।
(भज. १४९:१; १ तिमो. २:८; हिब्रू १३:१७ पनि हेर्नुहोस्)
