1. Tɔɔ̄ agara nɛ Jɛhova,

E alɛ etɔɔ̄ i nɛ.

Nu Jɛhova gaa i kɔ nɛ,

Ba lu nu elee i loo.

I ebee kiīloo i ye nɛ,

I tɔɔ̄ nɛ lo yii ama.

Tɔɔ̄ agara, nɛ Jɛhova;

Sa ye tɔɔ̄ nɛ dɛ̄dɛɛ̄ dee.

2. Tɔɔ̄ agara nɛ i wuga,

Ba dɛrɛ nyiɛ wa i nyɔɔ.

I kuūdɛɛ̄loo nu a wa bɛɛ̄,

Bu muɛ̄ ue le nu i doo.

I nɛ enwadɛɛ̄ pya wuga,

Sa wa tɔgɛ wereloo.

Tɔɔ̄ agara, nɛ pya wuga,

Ii le’ teera wa aaloo.

3. Tɔɔ̄ agara bu edā doo;

Zuurabahtɔ̄ pya kanɛɛ.

Sɔ̄ i doo taɛ kɛ̄ ba kɔ doo,

Ba su ɛɛbu siā wa tam.

Jɛhova enɛ i leelee​—

Leelee kuma naale loo.

Tɔɔ̄ agara bu edā doo,

Gbaɛ̄tɔ̄ nu Jɛhova kɔ.