1. Jehovä Diosta llapallantsik

juk shonqulla sirwishun.

Llapan mandamanqantsikta

kushishqa cäsukushun.

Jehoväqa Palabranwanmi

shumaq consejamantsik,

tsëmi llapan shonquntsikwan

imëpis markäkuntsik.

2. Llapantsikmi Jehovä Diosta

kushishqa sirwikantsik.

Sasa tiempukunachömi

yanapanakur kantsik.

Kuyëllapa tratanakur

më tsëchöpis këkäshun.

Tsëqa imata wanarpis

yanapanakushunmi.

3. Llapantsikmi cäsukuntsik

anciänuntsikkunata.

Jehovä Diosmi churamushqa

dirigimänantsikpaq.

Jehoväta cäsukurninqa

kushishqam kawakuntsik.

Mana jaqipa sirwirqa

bendiciontam chaskishun.