1) Verna ačhas le Devleske,

verna laskaha dživas.

O dživipen diňam leske,

so phenel, oda šunas.

E goďi lestar chraňinas,

e paťiv presikavas.

Hino verno, leske paťas,

amen les igen kamas.

2) Verna ačhas le phralenge,

pašes sam, pozoris das,

sar cerpinen, roven, daran,

vazdas len a obchudas.

Jilestar len rado dikhas,

e paťiv presikavas.

Sam furt verna, lenge paťas,

amen len igen kamas.

3) Verna ačhas the kolenge,

so pro zbori merkinen.

O pokini den amenge,

vernones pes starinen.

Te len šunas, o Jehovas

radisaľol amendar.

Verna ačhas le Devleske,

ľikeras pes furt lestar.