1. De guiranu gannaxhiinu

ne qué usaananu Jiobá.

Casi guidxi ni gulí Dios,

gúninu guiráʼ ni ná.

De guiráʼ conseju stibe,

jma galán chinándanu.

Qué zaxélenu de laabe

ne galán zabáninu.

2. Ora tiidiʼ ca hermanu

lu intiica endananá.

Cadi ixélenu de laacaʼ,

gacanenu de guiráʼ.

Gannaxhiinu ca hermanu

ni cayuubaʼ ladxidóʼ.

Pa qué ixélenu de laacaʼ,

qué zaxélecaʼ de Dios.

3. Cani gabi Diuxi laanu,

gúninu guiráʼ cani,

ne qué chuʼ dxi quicheruaanu

nin guixélenu de Dios,

ti guicaanu stale ndaayaʼ

ne gudiibe stipa iráʼ,

purtiʼ Diuxi rusisaca,

cani qué gusaana laa.