1. Komaris’n snar kona Allah

Ḇeswar ko kuk’r sne ḇesiper.

Myanen fararur ḇeḇye ya

Fyasos pyum roi kofandun na.

Snonkaku ḇembror sya sikyar

Na ryower fararyor sena.

Koswarepen koine saprop,

Fama saswar Ḇyedi iba.

2. Ro fafisu kofrur sasar

Ma kor fa Allah ipyos na,

Yesus Kristus ikof’nḇair

Fa koḇenadi radine:

”Wapyos nyaki sasar ro nko,

Imnis nkofrur ḇe ḇesesya.”

Ramnai kosaw’n masasor ya,

Insama kosnesna naprei.

3. Rofyor kofasnai saswarya,

Kofrur na kuk’r sne ḇesiper.

Komew’r kofrur fa smanen ko,

Koryaḇ kuk’r rosai koḇuk kwar.

Allah myam rosai kofrur kam

Nari ḇyak kaḇer na ḇe ko.

Aski faro ḇesaswar sya,

Yahwe myam sima sipyum ra.