1. Jahwe, Bapak si perkeleng.

Mbelin perkuah ateNa,

Lalap sampatiNa kita,

BereNa pasu-pasuNa.

Pasti begiNa totota

Adi kin robah ateta.

IngetNa abu kap kita,

Tetap nge keleng ateNa.

2. Sanga kitik kel ukurta

Perban silakoken dosa,

Pindo g’lah ampuni Jahwe

Bagi si ajarken Jesus,

“Ampuni min dosa kami

Bagi kami nggit ngampuni.”

Ula nai kita dendam

Gelah dame bas pusuhta.

3. Sicidahken kekelengen

Alu nampati temanta.

Terus ban si mehulina,

Ula arapken pujinna.

Idah Jahwe kap kerina,

B’reNa pasu-pasu banta.

Pasti meriah ukurta

Adi siusih Bapakta.